Sunday, December 9, 2018 Bavicha waijia juu UVCCM Mkoa wa Rukwa.

Haki ya kukosoa na na kujieleza inalindwa na katiba ya JMT 1977 na sio miongozo ya UVCCM .

Haki ambayo UVCCM Rukwa wameitumia kumkosoa mwenyekiti BAVICHA Taifa Patrick Olesosopi* ndio haki hiyo hiyo ambayo *Pattrick Olesosopi ameitumia kumkosoa rais Magufuli na kwamba haki zote zinalindwa na katiba ya JMT.

BAVICHA mkoa wa Rukwa tumeshitushwa na kushangazwa na uelewa mdogo wa UVCCM mkoa wa Rukwa juu ta tamko lao walilo litoa Jana ya 8 Desemba 2018 katika mahafali ya vyuo vikuu CCM. Katika tamko lao, pamoja na mambo mengine *wametoa vitisho* vikali kwa wale walio waita wakosoaji wa Rais Magufuli na Dr.Bashiru na msingi wa hoja zao dhaifu ilikua ni kujibu tamko LA Mwenyekiti BAVICHA Taifa.

BAVICHA Rukwa tuanawashauli UVCCM kwamba,ikiwa wanaamini ukosoaji wa Magufuli na Bashiru ni kinyume cha katiba na sheria ya Nchi waende mahakamani kuliko kutoa vitisho kwani kufanya hivyo ni kosa la jinai.

UVCCM wanapaswa kujibu hoja za msingi zilizotolewa na Sosopi kuliko kujikita katika vitisho.

Na UVCCM Rukwa haipaswi kujikita kulinda walichokiita heshima ya Magufuli na Bashiru, *wanapaswa kuwa na wivu wa kulinda heshima ya Nchi badala ya kile walichokiita heshima ya Magufuli na Bashiru*

Kwetu sisi BAVICHA Rukwa ,heshima tuatalinda heshima ya Nchi yetu kwa gharama yoyote dhidi ya wale wanaopenda uonevu,na kuamini katika utawala wao kuliko utawala wenye misingi ya mifumo ya kisheria tuliyonayo kwasasa.

BAVICHA Rukwa pia tunapenda kutoa pole kwa Mwenyenyikiti wetu wa chama Taifa Mh Freeman Mbowe Mbunge pamoja na Mh Ester Matiko Mbunge ambao wako Mahabusu kwa sababu tu ya kupigania Haki,Uhuru,Usawa na Demokrasia ya kweli katika taifa letu.Tunaamini hakuna vitisho vitakavyotufanya turudi nyuma katika mapambano haya .

Hakuna vita nyepesi ila hili nalo litapita na mapambano haya tutayashinda .

BAVICHA Mkoa wa Rukwa tunaunga mkono na kulitekeleza agizo la mwenyekiti wetu BAVICHA taifa, UVCCM tunafahamu bado ni wachanga sana tunawataka waendelee kujifunza uongozi kwa kumuelewa mwenyekiti Ole Sosopi ambaye ni kiongozi si wa kiwango chenu.

Imetolewa na;

Aida Joseph Khenan*

Mwenyekiti BAVICHA Mkoa Wa Rukwa.

Kama Una Habari,Picha,Video,Tangazo n.k Wasiliana Nasi Simu/WhatsApp +255 755747892 Kapolanewz tv.

Share on Google Plus

About KAPOLA NEWZ TV..✍️

This is a short description in the author block about the author. You edit it by entering text in the "Biographical Info" field in the user admin panel.