Friday, January 4, 2019 Idara ya Elimu halmashauri ya wilaya ya Sumbawanga imesajili shule mbili za sekondari mkoani Rukwa.

Idara ya elimu katika halmashauri ya wilaya ya SUMBAWANGA mkoani RUKWA imesajili shule mbili za sekondari ili kukidhi  mahitaji ya wanafunzi zaidi ya  elfu moja mia tano waliokosa  nafasi ya kuendelea na masomo ya kidato cha kwanza kwa ajili ya uhaba wa  vyumba vya madarasa

Afisa elimu wa sekondari wa  halmashauri ya wilaya ya SUMBAWANGA, FANIKIO BITENDE amewaeleza   wakuu wa shule za sekondari kumi na moja wakati wa hafla ya kukabidhi vifaa vya ujenzi kuwa usajili huo utapunguza  uhaba wa vyumba vya madarasa vinavyohitajika kwa ajili ya wanafunzi elfu tatu mia sita thelethini na tisa waliofaulu mtihani wa darasa la saba mwaka 2018.

Amesema juhudi za uongozi wa serikali ya wilaya ya SUMBAWANGA kwa kushirikiana na wadau wengine wa elimu zinalenga kuboresha miundo mbinu ya kusomea katika shule zote za sekondari zilizopo  ili kuwawezesha wanafunzi wote elfu  tatu mia sita na thelethini na tisa waliofaulu mtihani wa darasa la saba mwaka 2018 kuendelea na masomo yao sekondari.

Mkurugenzi mtendaji wa halmashauri ya wilaya ya SUMBAWANGA, NYANGI MSEMAKWELI amewataka waratibu elimu kata kuhakikisha vifaa hivyo vilivyotolewa kwa ajili ya kuongeza vyumba vya madarasa katika shule za sekondari kumi na moja vinatumika ipasavyo.

Imeelezwa kuwa halmashauri ya wilaya ya  SUMBAWANGA mkoani RUKWA imepanga mikakati itakayowezesha wanafunzi wote walliofaulu mtihani wa darasa la saba mwaka jana wanajiunga na masomo ya sekondari mwaka huu.

PETER KAPOLA  SUMBAWANGA.

Share on Google Plus

About KAPOLA NEWZ TV..✍️

This is a short description in the author block about the author. You edit it by entering text in the "Biographical Info" field in the user admin panel.