Sunday, January 6, 2019 Mzindakaya Amewataka wakulima wa zao la mahindi kuendelea kulima zao hilo Mkoani Rukwa

Mkazi mmoja mkoani RUKWA anayejishughulisha na kilimo cha mazao ya chakula na biashara  CHRISANT MZINDAKAYA amewataka wakulima wa zao la mahindi mkoani Rukwa kuendelea kulima zao hilo licha ya changamoto zilizojitokeza katika msimu uliopita wa kilimo

MZINDAKAYA ameieleza Chemchemi radio  kuwa baadhi ya wakulima wa zao la mahindi mkoani RUKWA wameamua kulima  mazao mengine ya maharage na alizeti katika msimu wa kilimo wa  mwaka 2018/19 baada ya kuanguka kwa bei ya zao la mahindi katika msimu uliopita wa kilimo

Amesema kilimo cha mahindi bado ni muhimu kwa ajili ya hifadhi ya chakula na pia kwa ajili ya usindikaji wa viwanda vya nafaka na kusema ukosefu wa soko la uhakika wa zao la mahindi hauwezi kuondoa umuhimu wa mahindi kuufanya mkoa wa RUKWA kuwa na sifa ya ulimaji wa zao hilo kwa uwingi hapa nchini

Ushauri wa mkulima huyu unafuatia kauli za baadhi ya wakulima mkoani RUKWA wakati wakiongea na Chemchemi radio kuelezea sababu zilizosababisha baadhi ya wakulima kulima mazao mengine badala ya mahindi kufuatia changamoto ya soko iliyojitikeza katika msimu uliopita wa kilimo

Msimu wa kilimo kwa mwaka 2018/19 umeanza katika maeneo mengi ya mkoa wa RUKWA huku baadhi ya wakulima wakionyesha nia ya kupunguza kiwango cha ulimaji wa zao la mahindi kutokana na changamoto ya soko la uhakika.

Share on Google Plus

About KAPOLA NEWZ TV..✍️

This is a short description in the author block about the author. You edit it by entering text in the "Biographical Info" field in the user admin panel.