Vitendo vya kikatili vimeendelea kushamiri Mkoani Mbeya baada ya mwanamke mmoja kujeruhiwa vibaya usoni kwa kumwagiwa maji yanayodhaniwa kuwa na tindikali.

 

 

Vitendo vya kikatili vimeendelea kushamiri Mkoani Mbeya baada ya mwanamke mmoja (Majina yamehifadhiwa) (31) mkazi wa Mtaa wa Mwanshinga Kata ya Maanga Jijini Mbeya kujeruhiwa vibaya usoni na mkononi kwa kumwagiwa maji yanayodhaniwa kuwa na tindikali na mtu asiyejulikana    kutokana   na  wivu  wakimapenzi.

Akiongea kwa taabu akiwa wodi namba mbili katika Hospitali ya Rufaa Kanda ya Mbeya mhanga wa tukio hili amesema kuwa tukio hilo limetokea Julai 19 mwaka huu majira ya saa tatu na dakika arobaini na tano alipokuwa anarejea nyumbani akitokea kwenye shughuli zake.

Aidha amesema katika mkasa huo alijeruhiwa yeye na wanawe wawili wa kike (majina yamehifadhiwa)Loveness Peter(11)mwanafunzi wa darasa la sita ambaye naye amelazwa katika Hospitali ya Rufaa na Nancy Peter(5)ambaye ametibiwa na kuruhusiwa.

Amesema chanzo cha tukio hilo ni wivu wa kimapenzi ambapo amesema kuwa amemtambua aliyefanya tukio hilo amemtambua kwa jina moja la Emma jinsi ya kike ambapo amesema mtuhumiwa mara kadhaa alimtishia kuwa atamfanyizia.

Kwa upande wao Madaktari wadi na mbili Daktari Margaret Kimwaga,Daktari Joseph Konyo na Daktari John Steven wamesema hali ya mgonjwa imeanza kuimarika tofauti na alivyopokelewa.

Naye Mkuu wa Dawati la Jinsia Jeshi la Polisi Mkoa wa Mbeya Janeth Masangano amesema Dawati lake linafuatilia kwa kina juu ya tukio hili ili kumbaini alyehusika na kutoa wito kwa watu kuacha kujichukulia sheria mkononi.

Kaimu Kamanda wa Polisi Mkoa wa Mbeya Emmanuel Lukula amekiri kupokea tukio hili na kwamba Jeshi la Polisi linafanya uchunguzi ili kubani mtu au watu waliohusika na kuahidi kutoa taarifa pindi uchunguzi ukikamilika.

 

Share on Google Plus

About KAPOLA NEWZ TV..✍️

This is a short description in the author block about the author. You edit it by entering text in the "Biographical Info" field in the user admin panel.